اسلام آباد – 22 – اپريل (اي پي پي) ايران جي صدر ڊاڪٽر ابراهيم رئيسي جي گهرواريءَ وفاقي گادي واري شهر اسلام آباد ۾ نيشنل يونيورسٽي آف ماڊرن لينگويجز جو دورو ڪيو. پرڏيهي آفيس موجب ايراني صدر جي گهرواريءَ شاگردن ۽ استادن سان ڳالهه ٻولهه ڪئي. ان موقعي تي کيس اعزازي ڊگري پڻ ڏني وئي. عالم الهديٰ پنهنجي ڪتاب ”دي آرٽ آف فيمينائن لائيف“ جو انگريزي ورزن پڻ جاري ڪيو جيڪو پنهنجي بصيرت ۽ نقطه نظر سان علمي ڳالهه ٻولهه کي سگهه بخشي ٿو. هن اسلام ۾ بيان ڪيل عورتن جي اهم ڪردار تي پڻ روشني وڌي.
