اسلام آباد 08اپریل (اے پی پی) د ریاستونو او سرحدی سيمو ( سیفران) وفاقی وزیر عبدالقادر بلوچ وئيلي دي چې خاران کیډټ کالج به د يو ارب 32 کروړه روپو لګښت سره ډير زر بشپړ كړې شي۔ ماشکیل او خاران اولس له به د شمسی توان څخه پیدا كيدونكې برېښنا هم وركولې شي۔ د اتوار په ورځ ميډيا سره په خپلو خبرو كښې وفاقی وزیر ووئيل وفاقی حکومت بلوچستان صوبه كښې د توان پشمول پرمختيائي پروژې پيل كړې دي چې پكښې يوه پروژه د خاران کیډټ کالج ده كوم لپاره چې وفاقی حکومت يو ارب 32کروړه روپۍ وركړې دي۔ وفاقی وزیر ووئيل پروژه د بشپريدو پړاؤ كښې ده كوم به چې ډير زر بشپړ كړې شي۔ عبدالقادر بلوچ ووئيل د مسلم لیګ (ن) حکومت چې كله اقتدار سنبھال كړو نو هېواد ګڼو چيلنجونو سره مخ ؤ۔ وزیر اعظم هېواد كښې په هنګامی بنیادونو د توان پروژې پيل كړې چې پكښې ځينې بشپړ شوې او په ځينو كار روان دې۔ ده ووئيل د توان پروژو له مخې بلوچستان كښې د توان كمې لرې كولو له ماشکیل او خاران پشمول نورو سيمو كښې د شمسی توان څخه پيدا شوې برېښنا وركولې شي۔
