اسلام آباد۔24 اکتوبر(اے پی پی) د اطلاعاتو او خپرونو وفاقي وزير مرتضي سولنګي وئيلي دي چې د پاکستان او افغانستان امن يو بل سره تړلے دي٬ د پولې مؤثر انتظام او امنيت د دواړو هېوادونو د اولس په ګټه دے۔ ده د دې خيالاتو څرګندونه د نهې په ورځ د افغان خبریالانو له یو پلاوي سره د خبرو په مهال وكړه۔ په ملاقات كښې د افغان خبريالانو په مسئلو ٬ وېزا او نورو مهمو چارو خبرې وشوې۔ ده ووئيل د افغان خبريالانو د ويزو په اړه به له کورنيو چارو او بهرنيو چارو وزارتونو سره تماس نيولې شي۔ ده ووئيل پاکستان به د يو مسؤول رياست په توګه دا خبره باوري كوي چې بهرنيان په قانوني طريقه زمونږ هېواد ته راشي۔ د افغان خبريالانو پلاوي د مسئلو حل په باوري كولو د اطلاعاتو نګران وزير مننه وکړه
