اسلام آباد – 14 جنوري (اي پي پي) سڄي ملڪ ۾ گذريل 24 ڪلاڪن دوران ڪورونا وائرس سبب 7 فوتگيون ٿيون جنهن مان 2 فوتگيون وينٽيليٽر تي مريضن جون هيون، سڄي ملڪ ۾ سڀ کان وڌيڪ فوتگيون خيبرپختونخوا کانپوءِ سنڌ ۾ رڪارڊ ڪيون ويون. نيشنل ڪمانڊ اينڊ آپريشن سينٽر (اين سي او سي) پاران جاري انگن اکرن موجب گذريل گذاريل 24 ڪلاڪن دوران سڄي ملڪ ۾ 3 هزار 567 ماڻهن جا ڪورونا ٽيسٽ مثبت آيا. ملڪ جي چئن وڏن شهرن ۾ وينٽيليٽرز تي ڪووڊ – 19 جي مريضن جي تناسب جي لحاظ کان پشاور ۾ 10 سيڪڙو، اسلام آباد ۾ 16 سيڪڙو، لاهور ۾ 9 سيڪڙو ۽ سرگوڌا ۾ 7 سيڪڙو مريض آهن.
اهڙي طرح ملڪ جي چئن وڏن شهرن ۾ آڪسيجن جي سهولت وارن بسترن تي ڪورونا جي مثبت ڪيسن جي سراسري لحاظ کان ڪراچي ۾ 9 سيڪڙو، سرگوڌا ۾ 12 سيڪڙو ۽ لاهور ۾ 10 سيڪڙو، اسلام آباد ۾ 12 سيڪڙو مريض آهن. گذريل 24 ڪلاڪن دوران ڪوويڊ – 19 جا 48 هزار 449 ٽيسٽ ڪيا ويا جن مان سنڌ ۾ 12 هزار 628، پنجاب ۾ 19 هزار 722، خيبرپختونخواهه ۾ 9 هزار 469، اسلام آباد ۾ 5 هزار 407، بلوچستان ۾ 361، گلگت بلتستان ۾ 296 ٽيسٽ ڪيا ويا. آزاد ڪشمير ۾ 566 ٽيسٽ شامل آهن. هيستائين سڄي ملڪ ۾ ڪوويڊ 19 مان صحتياب ٿيندڙن جو انگ 12 لک 60 هزار 407 ٿي چڪو آهي.
بلوچستان ۽ گلگت بلتستان ۾ ڪوويڊ 19 جو ڪو به مريض هن وقت وينٽيليٽر تي نه آهي. جڏهن ته سڄي ملڪ ۾ ڪوويڊ 19 جي لاءِ مخصوص ڪيل وينٽيليٽرز تي ڪوويڊ 19 جا 76 مريض آهن. سڄي ملڪ ۾ ڪوويڊ 19 جي ايڪٽو ڪيسز جو انگ 26 هزار 428 آهي. سڄي ملڪ ۾ ڪورونا وائرس کان متاثر ماڻهن جو انگ 13 لک 15 هزار 834 آهي جن مان آزاد ڪشمير ۾ 34 هزار 726، بلوچستان ۾ 33 هزار 682، گلگت بلتستان ۾ 10 هزار 437، اسلام آباد ۾ هڪ لک 10 هزار 234، خيبرپختونخواهه ۾ هڪ لک 81 هزار 996، پنجاب ۾ 4 لک 50 هزار 686 ۽ سنڌ ۾ 4 لک 94 هزار 64 مريض آهن.
سڄي ملڪ ۾ ڪوويڊ 19 سبب فوت ٿيندڙن جو انگ 28 هزار 999 ٿي چڪو آهي، جن مان سنڌ ۾ 7 هزار ,693 جڏهن ته گذريل 24 ڪلاڪن دوران 2 مريض اسپتال ۾ ان وائرس سبب فوت ٿيا. پنجاب ۾ 13 هزار 85 فوتگيون، جڏهن ته گذريل 24 ڪلاڪن دوران هڪ مريض اسپتال ۾ ان وائرس سبب فوت ٿيو. خيبرپختونخواهه ۾ 5 هزار 952 فوتگيون ٿيون. جڏهن ته گذريل 24 ڪلاڪن دوران 4 مريض اسپتال ۾ ان وائرس سبب فوت ٿيا. اسلام آباد ۾ ڪل 967 فوتگيون ٿيون. بلوچستان ۾ ڪل 367 فوتگيون ٿيون. گلگت بلتستان ۾ 186 فوتگيون ٿيون. آزاد ڪشمير ۾ ان وائرس سبب 749 فوتگيون ٿي چڪيون آهن. هيستائين سڄي ملڪ ۾ ڪوويڊ – 19 جا 2 ڪروڙ 40 لک 32 هزار 951 ٽيسٽ ڪيا ويا آهن. سڄي ملڪ ۾ ڪوويڊ 19 جي علاج جي لاءِ مخصوص 640 اسپتالن ۾ 739 مريض علاج هيٺ آهن.
