اسلام آباد۔26 اگست(اے پی پی)وزیراعظم محمد شہباز شریف نیو انرجی وہیکل پالیسی کوں ویلھے دی لوڑھ قرار ݙیندے ??کھ??ے جو اے پالیسی حکومت دے ماحول دوست اقدامات دو ہک اہم قدم اے، پاکستان ماحولیاتی تبدیلیاں نال شدید متاثرہ ملکاں اچ ہک اے، ای وی پالیسی نال موسمیاتی تبدیلی دے اثرات تے قابو پاوݨ اچ مدد ملسی، دوست ملک اَتے مغربی دنیا ماحولیاتی تبدیلیاں دے نتیجے اچ تھیوݨ آلی تباہی نال نمݨݨ اچ پاکستان دی مدد کرن، طالب علماں کوں میرٹ تے الیکٹرک بائیکس ݙتے ویندے پن۔ پورے ملک دے طالب علماں کوں قابلیت دی بنیاد ??ے ہک لکھ لیپ ٹاپس ݙتے ویسن۔ انہاں اے ڳالھ اسلام آباد اچ نیو انرجی وہیکل پالیسی دی افتتاحی تقریب نال خطاب کریندے ??کھ??۔ ایں موقع تے وفاقی وزیر ہمایوں اختر، رانا تنویر حسین، مختلف ملکاں دے ہائی کمشنرز اَتے وݙے سفارتی حکام دے علاوہ پورے ملک توں نمایاں پوزیشن حاصل کرݨ آلے طالب علم موجود ہن۔ وزیراعظم وزارت صنعت دی نیو انرجی وہیکل پالیسی دی ??عر??ف کیتی اتے ??کھ??ا جو پاکستان دا ماحولیات کوں متاثر کرݨ اچ کردار سبھ توں گھٹ اے ٻھل پاکستان ماحولیاتی تبدیلیاں نال شدید متاثرہ ݙاہ ملکاں اچ شامل اے۔ انہاں پالیسی بݨاوݨ کی??ے سپورٹ ??ے سارے سٹیک ہولڈرز اَتے برطانوی حکومت دا شکریہ ادا کیتا۔ وزیراعظم ??کھ??ا جو ماحولیاتی تبدیلیاں دے نتیجے اچ پاکستان اچ بادل پھٹݨ، شدید بارشاں اَ??ے سیلاب نال وݙے پیمانے تے مالی اَتے جانی نقصان تھیا، 2022ء اچ سیلاب پاروں 100 دے نیڑے انسانی جاناں دا ضیان تھیا، لکھاں ایکڑ تے کھڑیاں فصلاں تباہ تھی ڳیاں، ہزاراں گھراں کوں پورا یا گھٹ نقصان پُجا اَتے 30 ارب ڈالر دا نقصان تھیا جݙاں جو حالیہ سیلاب اَتے بارشاں اچ 700 انسانی جاناں ضائع تھین، شمالی علاقیاں اچ ٻہوں سارے ٹبر ختم تھی ڳئن، اے ٻہوں وݙا چیلنج اے جیندے تے توجہ ݙیوݨ دی لوڑھ اے۔ انہاں مغربی دنیا اَتے دوست ملکاں تے زور ݙتا جو او صورتحال نال نبݨݨ اچ پاکستان دی مدد کرن، انفراسٹرکچر دی بحالی اچ پاکستان کوں دوست ملکاں دی مدد دی لوڑھ اے۔ وزیراعظم نے ??کھ??ا جو پاکستان ماحولیاتی تبدیلیاں دے نتیجے اچ تھیوݨ آلی تباہی نال کلھا نئیں نمٹ سڳدا، مزید قرضیاں اَتے مالی دبائو دے متحمل نئیں تھی سڳدے، آزاد کشمیر اَتے گلگت بلتستان سودھا چارے صوبیاں توں میرٹ اَتے قابلیت تے طالب علماں دا انتخاب کر تے الیکٹرک بائیکس ݙتے ڳئِن، بلوچستان دے نینگراں کیتے 10 فیصد اضافی کوٹہ رکھیا ڳئے۔ انہاں ??کھ??ا جو ای وی پالیسی نال موسمیاتی تبدیلی دے اثرات تے قابو پاوݨ اچ مدد ملسی۔ وزیراعظم ??کھ??ا جو پورے ملک دے طالب علماں کوں قابلیت دی بنیاد ??ے ہک لکھ لیپ ٹاپس ݙتے ویسن۔ انہاں ہدایت کیتی جو ایں پروگرام دا دائرہ وسیع کیتا ونڄے اَتے 9 ارب دی بجائے آندے سال ایں کیتے ودھ رقم رکھی ونڄے تاں جو طالب علماں کوں تعلیم حاصل کرݨ اچ مدد ملے اَتے او معاشرے دے مفید شہری بݨ سڳن۔ ایں توں پہلے وزیراعظم نیو انرجی وہیکل پالیسی دا افتتاح کیتا اَتے پورے ملک توں تعلیمی میدان اچ اہم کارکردگی ݙکھاوݨ آلے طالب علماں کوں الیکٹرک بائیکس دیاں چابیاں ݙتن۔ وزیراعظم دے معاون خصوصی صنعت و پیداوار ہارون اختر خان، وفاقی وزیر قومی غذائی تحفظ و تحقیق رانا تنویر حسین وی تقریب نال خطاب کیتے۔
