اسلام آباد،9 جون(اے پی پی)وزارت اطلاعات و نشریات دے ماتحت اداریاں پاکستان الیکٹرانک میڈیا ریگولیٹری اتھارٹی (پیمرا)، پاکستان ٹیلی ویژن کارپوریشن (پی ٹی وی) اتے پاکستان براڈ کاسٹنگ کارپوریشن (ریڈیو پاکستان) جاری مالی سال 2024-25 دے دوران میڈیا دے شعبے اچ نمایاں ترقی اتے اصلاحات کیتن۔ اقتصادی سروے 2024-25 دے مطابق پیمرا نجی الیکٹرانک میڈیا دی ریگولیشن، ترقی اتے فروغ اچ اہم کردار ادا کیتے۔ 31 مارچ 2025 تئیں پاکستان اچ 139 سیٹلائٹ ٹی وی چینلز کوں لائسنس جاری کیتے ڳن جڈاں جو مزید ہک نواں چینل شامل تھئے۔ ایف ایم ریڈیو لائسنسز دی تعداد 242 تئیں پڄ ڳئی اے جیںدے اچوں 171 کمرشل اتے 71 غیر تجارتی ہن۔ ایویں 31 مارچ 2025 تئیں 3650 کیبل ٹی وی لائسنس جاری کیتے ڳن جیندے اچ 40 نویں کیبل ٹی وی لائسنس وی شامل ہن۔ پیمرا 31 مارچ 2025 تئیں مجموعی طور تے 3 موبائل ٹی وی دے لائسنس، 34 لینڈنگ رائٹس پرمیشن، 36 آئی پی ٹی وی دے لائسنس، ہک ڈی ٹی ایچ اتے ہک ٹیلی پورٹ (براڈ کاسٹ) لائسنس جاری کیتے۔ میڈیا دی آزادی اتے تنوع کوں فروغ ݙیوݨ کیتے پیمرا فعال کردار ادا کیتے۔ اقتصادی سروے 2024-25 دے مطابق پاکستان ٹیلی ویژن کارپوریشن قومی و بین الاقوامی امور تے عوام کوں باخبر رکھݨ کیتے کلیدی کردار ادا کیتا۔ پی ٹی وی دے موجودہ ست چینلز پی ٹی وی ہوم، پی ٹی وی نیوز، پی ٹی وی سپورٹس، پی ٹی وی گلوبل، پی ٹی وی نیشنل، پی ٹی وی بولان اتے پی ٹی وی ورلڈ ملکی و بین الاقوامی سطح تے نشریات ݙیندن۔ پی ٹی وی ورلڈ پاکستان اچ انگریزی زبان اچ نشریات پیش کرݨ آلا کلہا نیوز چینل اے۔ پی ٹی وی دا دائرہ کار ملک دی 100 فیصد آبادی کوں کور کریندے۔ پاکستان اچ رجسٹرڈ ٹی وی سیٹ ہولڈرز دی تعداد 31 مارچ 2025 تئیں 26,054,120 اے۔ مالی سال 2024-25 اچ پی ٹی وی دے ݙو منصوبیاں کیتے حکومت مجموعی طور تے 1130.52 ملین روپے مختص کیتے جیںدے اچ “نیشنل فلم پروڈکشن انسٹیٹیوٹ” دے قیام اتے “ری ویمپنگ آف پی ٹی وی شامل ہن۔ اقتصادی سروے 2024-25 دے مطابق ریڈیو پاکستان قومی یکجہتی، مذہبی ہم آہنگی اتے بین الاقوامی سطح تے پاکستان دے موقف کوں اجاگر کرݨ کیتے مختلف پروگرامز نشر کیتے۔ رمضان المبارک اچ خصوصی دینی پروگرامز اتے یوم ا??تح??ال کشمیر دے موقع تے ست ݙینہہ دی نشریاتی مہم و?? چلائی ڳئی۔ مالی سال 2024-25 دے دوران پاکستان براڈ کاسٹنگ کارپوریشن کوں مجموعی طور تے 6413 ملین روپے جاری کیتے ڳئے جیںدے اچ 500 ملین روپے دے اضافی فنڈز وی شامل ہن۔ ایں عرصے اچ پی بی سی دے تحت پنج ترقیاتی منصوبے وی جاری رہے جیںدے اچ 529 ملین روپے دی لاگت نال صوت القرآن ایف ایم نیٹ ورک فیز ت??ری دا قیام، 1540 ملین روپے دی لاگت نال خضدار 300 کلو واٹ ٹرانسمیٹر دی تبدیلی اتے اپ گریڈیشن دی منظوری، کوئٹہ اچ 1068.982 ملین روپے دی لاگت نال 100 کلو واٹ ٹرانسمیٹر دی تبدیلی اتے اپ گریڈیشن، خیرپور اچ 878.173 ملین روپے دی لاگت نال میڈیم و??و سروسز دی بحالی، 3850 ملین روپے دی لاگت نال روات ٹرانسمیٹنگ سٹیشن دی اپ گریڈیشن، ٹرانسمیٹرز دی بہتری اتے جدت شامل اے۔ اقتصادی سروے موجب حکومت پاکستان الیکٹرانک میڈیا دے شعبے اچ جدیدیت، آزادی اظہار اتے علاقائی و بین الاقوامی سطح تے پاکستان دے موقف کوں موثر انداز اچ پیش کرݨ کیتے پرعزم اے۔
.jpg)
