اسلام آباد – 03 نومبر (اي پي پي) وزيراعظم عمران خان سک مذهب جي مذهبي پيشوا بابا گرو نانڪ جي 550 هين جنم ڏهاڙي کان اڳ رڪاڊ مدي ۾ ڪرتارپور لنگهه جي تعمير تي حڪومت کي مبارڪباد ڏيندي چيو آهي ته سک ياترين جي آجيان لاءِ ڪرتارپور پوري طرح تيار آهي. سماجي رابطن جي ويب سائيٽ ٽوئيٽر تي جاري ٿيندڙ پيغام ۾ وزيراعظم عمران خان چيو آهي ته هو سک مذهب جي پيشوا بابا گرو نانڪ جي 550 هين جنم ڏهاڙي جي تقريبن جي لاءِ رڪارڊ مدي ۾ ڪرتارپور لنگهه تيار ڪرڻ تي پنهنجي حڪومت کي دلي مبارڪباد پيش ڪري ٿو.
