اسلام آباد -20 آگسٽ (اي پي پي)نگران وزيراعظم انوار الحق ڪاڪڙ سان سينيٽر ارباب عمر ڪاسي ملاقات ڪئي ۽ بلوچستان بابت معاملن تي خيالن جي ڏي وٺ ڪئي. ڪالهه وزيراعظم آفيس جي ميڊيا ونگ مان جاري بيان موجب سينيٽر ڪاسي انوار الحق ڪاڪڙ کي نگران وزيراعظم جو عهدو سنڀالڻ تي مبارڪون ڏيندي نيڪ خواهشن جو اظهار ڪيو. هن وزيراعظم کي حنا ۽ اوڙڪ ۽ ان جي ڀرپاسي جي علائقن ۾ تازي برساتن سبب ٻوڏ جي صورتحال کان آگاهه ڪيو، وزيراعظم کي ٻڌايو ويو ته سپيرا رنگا لورالائي شاهراهه کي حادثن کان بچائڻ لاءِ ان جي مرمت جي ضرورت آهي، نگران وزيراعظم علائقي جا مسئلا حل ڪرڻ جي خاطري ڪرائي.
