ملګري ملتونه 28 ستمبر (اے پي پي) د وزيراعظم عمراان خان او د هغه د پلاوي په الوتكه كښې د فني خرابې له امله وزيراعظم بېرته نيويارك ته لاړو۔ د فني خرابې له امله الوتكه د جمعې په شپه د نيويارك په هوائي اډه كوزه كړې شوه۔ د سعودي حكومت لخوا وزيراعظم ته وركړې شوې خاص الوتكې د جمعې په ماښام د نيويارك د جان اېف كېنډي هوائي اډې څخه پرواز وكړو خو د پرواز نه دوه ساعته وروستو په الوتكه كښې فني خرابي پېدا شوه۔ په ملګرو ملتونو كښې د پاكستان سفيرې مليحه لودهي وزيراعظم رخصت كړے و خو په الوتكه كښې د فني خرابې له امله بېرته په هوائي اډه كوزه كړې شوه۔ وزيراعظم د ملګرو ملتونو د عمومي اسمبلۍ په 74مه غونډه كښې ګډون كولو لپاره د پاكستاني پلاوي مشري كوله۔ وزيراعظم زره تر زره زلزله ځپليو سره ملاقات كول غواړي۔ د نيويارك خپلې دورې په مهال وزيراعظم د مشن كشمير په مهال د ملګرو ملتونو عمومي اسمبلۍ ته وېنا وكړه او په ګڼ شمېر غونډو كښې ئې ګډون وكړو۔ يو شمېر نړيوالو مشرانو سره د ملاقانونو نه علاوه وزيراعظم د امريكې اولس مشر ډونلډ ټرمپ سره هم ملاقات وكړو۔ په دې موقع وزيراعظم يو شمېر تهنګ ټېنكس ته وېنا هم وكړه او نړيوالې مېډيا سره ئې مركې وكړې۔
