اسلام آباد 15 دسمبر(اے پي پي) د سائنس او ټېكنالوجې وفاقي پارلماني سېكتر نواز خان وئيلي دي چې د وزيراعظم عمران خان د وژن له مخې په هېواد او په خاص توګه په خېبر پښتونخوا كښې د سيلګرې ودې لپاره حكومتي اقدامات روان دي او په چوړ وادې كښې د سړكونو رغونې لپاره د فنډ وركول هم د دې لړې يوه كړۍ ده. د اتوار په ورځ اے پي پي سره په خبرو كښې ده ووئيل چې د هزاره موټروے د مانسهره نه تر بټل برخه به د كال 2020م د جنورې تر وړومبې نېټه عام ټرافيك لپاره پرانستل شي. ده ووئيل چې په بېلا بېلو پروژو كار روان دے او د دې پروژو ترسره كېدو سره به د سېلګرې څانګه ښه وده وكړي او ځائي خلق به د روزګار موقعې ترلاسه كړي. ده ووئيل چې خېبر پښتونخوا سېلګرې لپاره ښائسته ښائسته ځايونه لري.
