کراچی۔ 13 اگست (اے پی پی):پاکستان پیپلزپارٹی دے چیئرمین اتے سابق وزیر خارجہ بلاول بھٹو زرداری جشنِ یومِ آزادی تے قوم کوں اپیل کریندے ہوئیں آکھیے آؤ سارے رل تے ملک توں نفرت ونڈ تے کوں مکاؤں تے اساں رلے محنت کر??ے پاکستان کوں ھک ایجھا ملک بݨاؤں جیں دی جمہوریت تے خوشحالی دیاں دنیا مثالاں ݙیوے ۔ میڈیا سیل بلاول ہاؤس توں جاری پریس ریلیز موجب چیئرمین بلاول بھٹو زرداری اپݨے پیغام اچ قوم کوں جشنِ آزادی دی مبارخ ݙتی اے تے سارے پاکستانیاں کیتے نیک خواہشات دا اظہار کیتے۔ انہاں آکھیے اڄ دا ݙینھ دن قائدِ اعظم محمد علی جناح اتے انہاں دی قیادت اچ آزادی کیتے پرامن سیاسی جدوجہد کرݨ تے قربانیاں ݙیوݨ آلے بزرگاں کوں خراج تحسین پیش کرݨ دا ݙینھ اے ۔ انہاں مزید آکھیے جو 14 اگست پرامن سیاسی جمہوری جدوجہد دے ذریعے ناممکن کوں ممکن بݨ??وݨ دی علامت اے ۔چیئرمین بلاول بھٹو زرداری آکھیے اڄ دا ݙینھ خود توں سوال کرݨ دا وی ݙینھ اے کیا اڄ پاکستان او سارے حدف حاصل کرݨ اچ کامیاب تھئے جیڑھے ??یندے قیام ویلھے ??اݙے وݙیں مقرر کیتے ہن تے خواب ݙٹھے ہن ۔
