اسلام آباد۔16ستمبر(اے پی پی)نگراں وزیراعظم انوار الحق کاکڑ آکھیے جو اقوام متحدہ دی سلامتی کونسل دے حل نہ تھیوݨ آلے ایجنڈا آئٹمز اچ جموں وکشمیر دا معاملہ ٻہوں پراݨا اے، پاکستان مقبوضہ جموں و کشمیر دا معاملہ ہر عالمی اتے ع??اقائی فورمز تے چیندا رہسی، افغانستان اتے خطے اچ پائیدار امن کیتے کردار جاری رکھسوں، پاکستان دے عرب، خلیجی و ٻئے ع??اقائی ملکاں نال تکڑے تعلقات ہین، مغرب نال پہلے توں ڳھاٹے تعلقات اڳو تے ٻئے تکڑے تھیسن۔ اے ڳالھیں انہاں اقوام متحدہ دی جنرل اسمبلی دے اجلاس اچ شرکت کیتے ونڄݨ توں پہلے امریکی نشریاتی ادارہ وائس آف امریکا کوں انٹرویو اچ آکھین۔ انہاں آکھیا جو پاکستان سارے کثیرالجہتی اتے ع??اقائی فورمز تے مسئلہ کشمیر دا مستقل اتے باقاعدگی نال دفاع اتے وکالت کریندا آندے، ایں ڄھیڑے دے حل کیتے پاکستان اپݨا کردار ا??ا کریندا رہسی جو بھارت ولوں مقبوضہ جموں و کشمیر اچ انسانی حقوق دیاں وݙیاں خلاف ورزیاں تھینداں پن، بھارتی قابض افواج پورے ع??اقے کوں ڄڳ دی وݙی جیل اچ وٹا ݙتے، کشمیریاں تے مظالم ودھدے ویندن۔ انتخابات بارے انہاں آکھیا جو ملک اچ عام انتخابات دی تاریخ دا اعلان الیکشن کمیشن آف پاکستان کرݨے، امید اے جو الیکشن کمیشن اے ذمہ داری ایمانداری نال ںٻھیسی، عام انتخابات کیتے الیکشن کمیشن دا پورا ہتھ ونݙیسوں، مکمل سیکیورٹی اتے مالی وسائل ݙتے ویسن۔ وزیراعظم سرحداں تے سلامتی خطرات تے قابو پاوݨ اتے انتخابی عمل مکمل کرݨ دے اقدامات تے اطمینان کریندے ملک اچ جمہوری عمل برقرار رکھݨ دا عزم دوہرایا۔ وزیراعظم آکھیا جو ملک اچ اظہار رائے دی آزادی دے اعشاریئے ٻہوں چنڳے ہین، میڈیا مکمل آزاد اے اتے ایندے تے کوئی پابندی کائنی۔ نگران وزیر ا??ظم اے تاثر رد کر ݙتا جو سابق و??یر ا??ظم عمران خان کوں سیاست توں ٻاھرو رکھݨ دی کوئی وی کوشش کیتی ویندی پئ?? اے?? اے معاملہ عدالتاں اچ اے، امید اے عدالتی عمل شفاف ہوسی۔ انہاں نگراں حکومت کوں سابق پی ڈی ایم حکومت دا تسلسل قرار ݙیوݨ دیاں ڳالھیں وی بے بنیاد قرار ݙتن۔ نگراں وزیراعظم آکھیا جو پاکستان افغانستان اتے خطے اچ پائیدار امن کیتے کردار ا??ا کریندے ہوئے سارے متعلقہ فورمز تے طالبان اتے عالمی برادری نال الیندا پئے۔ نگراں حکومت غیر قانونی تجارت سودھا افغان ٹرانزٹ دے مسائل تے توجہ ݙیندی پئ?? اے، پاکستان دہشت گردی دی کہیں وی کارروائی دے خلاف دفاع دا حق رکھدے جیکر لوڑھ پئی تا اپݨے لوکاں اتے ما دھرتی دے دفاع کیتے ضروری اقدامات کریسی، افغانستان اچ امریکہ اتے نیٹو دے چھوڑیے گئے اسلحہ دے دہشت گرد تنظیماں دے ہتھ لڳݨ دے بیان دا مقصد الزام لاوݨ نا ہا، ایں بارے تاثر درست نئیں۔
