اسلام آباد – 11 – آڪٽوبر (اي پي پي) نگران وزيراعظم انوارالحق ڪاڪڙ سان بلوچستان جي اڳوڻي وڏي وزير ڊاڪٽر عبدالمالڪ جي قيادت ۾ بلوچستان جي وفد ملاقات ڪئي. وزيراعظم آفيس جي ميڊيا ونگ پاران جاري بيان موجب ملاقات ۾ بلوچستان جي مسئلن ۽ انهن جي حل لاءِ نگران وزيراعظم جي قيادت ۾ کنيل قدمن تي ڳالهه ٻولهه ڪئي وئي. خصوصي سيڙپڪاري سهولت ڪائونسل تحت بلوچستان جي کاڻين جي کوٽائي جي شعبي ۾ ٻاهرئين سيڙپڪاري کي خوش آئنده قرار ڏنو ويو. ڊاڪٽر عبدالمالڪ نگران وزيراعظم کي بلوچستان جي ترقي جي لاءِ ترجيحي قدمن تي خراج تحسين پيش ڪيو.
