اسلام آباد-29 ڊسمبر (اي پي پي) اليڪشن ڪميشن مخصوص سيٽن لاءِ اليڪشن شيڊول ۾ تبديلي ڪري ڇڏي آهي. قومي ۽ صوبائي اسيمبلين ۾ عورتن ۽ اقليتن جي مخصوص سيٽن لاءِ اليڪشن پروگرام ۾ تبديلي ڪئي وئي. اليڪشن ڪميشن طرفان جاري ڪيل نوٽيفڪيشن موجب مخصوص سيٽن لاءِ نامزدگي ڪاغذن جي ڇنڊڇاڻ 13 جنوري تائين ڪئي ويندي. رٽرننگ آفيسرن جي فيصلن خلاف اپيل 16 جنوري تائين داخل ڪري سگهبي. اپيلٽ ٽربيونل 19 جنوري تائين اپيلون اڪلائيندو. مخصوص سيٽن لاءِ اميدوارن جي حتمي فهرست 23 جنوري تي لڳائي ويندي.
