اسلام آباد- 22 نومبر (اي پي پي) ملڪ مان چانورن جي روانگي واپار ۾ جاري مالي سال جي پھرين 4 مھينن ۾ ساليانو بنياد تي نمايان اضافو رڪارڊ ٿيو آھي. اسٽيٽ بئنڪ ۽ شماريات واري اداري جي انگن اکرن مطابق مالي سال جي پھرين 4 مھينن ۾ چانور جي روانگي واپار ۾ ملڪ کي 902.020 ملين ڊالر جو ناڻو حاصل ٿيو جيڪو گذريل مالي سال جي ساڳي عرصي جي ڀيٽ ۾ 33.68 سيڪڙو کان وڌيڪ آھي، گذريل مالي سال جي ساڳي عرصي ۾ چانور جي روانگي واپار سبب ملڪ کي 674.72 ملين ڊالر جو ناڻو حاصل ٿي ھو. 2024ع ۾ چانور جي روانگي واپار جو ڳاڻيٽو 268.81 ملين ڊالر رڪارڊ ٿيو جيڪو سيپٽمبر ۾ 197.20 ملين ڊالر ۽ گذريل سال آڪٽوبر ۾ 256.85 ميلن ڊالر ھو. مالي سال 2024ع ۾ چانور جي روانگي واپار جو مجموعي ڳاڻيٽو 3.687 ڊالر رڪارڊ ڪيو ويو ھو. انگن اکرن موجب جاري مالي سال جي پھرين 4 مھينن ۾ باسمتي چانور جي روانگي واپار سبب ملڪ کي 294.58 ملين ڊالر جو ناڻو حاصل ٿيو جيڪو گذريل مالي سال جي ساڳي عرصي جي 259.81 ملين ڊالر جي ڀيٽ ۾ 13.65 سيڪڙو وڌيڪ آھي. اھڙي طرح نان باسمتي چانور جي روانگي واپار جو ڳاڻيٽو 607.44 ملين ڊالر رڪارڊ ٿيو جيڪو گذريل مالي سال جي ساڳي عرصي جي ڀيٽ ۾ 6.17 سيڪڙو کان وڌيڪ آھي. گذريل مالي سال جي ساڳي عرصي ۾ نان باسمتي چانور جي روانگي واپار جو ڳاڻيٽو 415.54 ڊالر رڪارڊ ٿيو ھو. واضح رھي ته جاري مالي سال جي پھرين چان مھينن ۾ کاڌي جي شين جي روانگي واپار جو مجموعي ڳاڻيٽو 2.157 ارب ڊالر رڪارڊ ڪيو ويو.
