اسلام آباد-15 ڊسمبر (اي پي پي)صدر مملڪت آصف علي زرداري يونان ويجهو ٻيڙي جي حادثي ۾ پاڪستانين جي فوتگي تي افسوس جو اظهار ڪندي چيو آهي ته انساني اسمگلنگ هڪ ڪڌو عمل آهي، ماڻهو پنهنجن پيارن جي جان وڃائي ويهندا آهن. ايوان صدر جي پريس ونگ پاران جاري پنهنجي تعزيتي بيان ۾ صدر مملڪت انساني اسمگلنگ جي روڪٿام لاءِ قدم تيز ڪرڻ جي ضرورت تي زور ڀريو. هن فوتين جي وارثن سان تعزيت جو اظهار ڪندي صبر جي دعا ڪئي.
