اسلام آباد-13 ڊسمبر(اي پي پي) قومي اسيمبلي جي ڊپٽي اسپيڪر غلام مصطفيٰ شاهه چيو آهي ته وفاقي وزيرن، مملڪتي وزيرن ۽ وفاقي پارلياماني سيڪريٽرين جي ايوان ۾ لڳاتار غير حاضري تي وزيراعظم شهباز شريف کي خط لکيو ويو آهي، اميد آهي ته جلد ئي وزيرن ۽ پارلياماني سيڪريٽرين جي ايوان ۾ حاضري يقيني ٿيندي. قومي اسيمبلي جي اجلاس دوران ميمبرن پاران ٻيهر ايوان ۾ وفاقي وزيرن، مملڪتي وزيرن ۽ وفاقي پارلياماني سيڪريٽرين جي غير حاضري جي حوالي سان شڪايت ڪئي وئي ته ڊپٽي اسپيڪر ايوان کي ٻڌايو ته رات قومي اسيمبلي پاران وزيراعظم کي خط لکيو ويو آهي، اميد آهي ۽ وزيرن ۽ پارلياماني سيڪريٽرين جي حاضري کي يقيني بڻايو ويندو. شازيه مري جي سوال جي جواب ۾ چيو ته چيئر جي رولنگ ۽ ناراضگي باوجود وفاقي وزير، مملڪتي وزير هتي موجود ناهن.
