اسلام آباد ۔09ستمبر (اے پی پی) د خزانې وفاقي وزير اسحاق ډار وئيلي چې پاك چين ستراتيجيكي اړيكې د سيمه ايز امن او استحكام ضامن دي۔ سي پېك منصوبو سره د دواړو هېوادونو ترمينځھ اړيكې لا مستحكم شوي۔ بيجنګ كښې خپل چينائي همڅنګ زياوجيﺀ سره د ملاقات په مهال خپلو خبرو كښې وفاقي وزير ووئيل پاكستان او چين يو بل سره سياسي ٬ اداره جاتي او د هرې كچې غوره اړيكې لري او سي پېك منصوبې سره دا اړيكې لا مستحكم شوي دي۔ ده ووئيل دا منصوبه به دواړه هېوادونه يو بل ته لا نزدې كړي۔ ده په دې مهال خپل چينائي همڅنګ ته د كاريك انسټيټيوټ په پرانسته مباركي وركولو سره ووئيل پاكستان به د انسټي ټيوټ په هلو ځلو كښې فعاله ګډون كول جاري ساتي۔ د ملاقات په مهال دواړو وزيرانو د شريكې خوښې چارو په شمول د دوه اړخيزه اقتصادي اړيكو لا زياتولو په بېلو اړخونو د خيالاتو څرګندونه وكړه۔ د چين د خزانې وزير د اسحاق ډار د چين دوره خوشبينه ګرځولو سره ووئيل د دواړو ګاونډي هېوادونو ترمينځه د لوړې كچې تګ راتګ به د دوه اړخيزه مستحكمو اړيكو مقاصد لا مخ په وړاندې بوتللو كښې مرستياله ثابت شي۔ ده د سي پېك په منصوبه په وخت عملدرآمد له د پاكستاني حكومت هڅې وستائلې۔
