اسلام آباد 23 مئي (اے پي پي) ) قومي اسمبلۍ ته وئيلي شوي دي چې په پي آئي اے كښې د مارچ كال 2008م نه واخله تر اوسه په انتظامي٬ آپرېشنل٬ امنيتي نقائصو٬ د پرواز تحفظ او د مالياتو په اړه په مجموعي توګه 632 انكوائرې شوې دي۔ د شورو په ورځ د قومي اسمبلۍ په غونډه كښې د هوابازې ډويژن لخوا د مراد سعيد د پوښتنې په ځواب كښې په تحريري توګه ايوان ته ووئيل شول چې په پي آئي اے كښې د مارچ كال 2008م نه واخله تر اوسه په انتظامي٬ آپرېشنل٬ امنيتي نقائصو٬ د پرواز تحفظ او د مالياتو په اړه په مجموعي توګه 632 انكوائرې شوې دي چې پكښې 244 ملازمين برطرف او برخاست شوي دي۔ 69 كېسونه بند كړې شوي دي۔ 78 ملازمينو ته د خبردارې نوټسز جاري كړې شوې دي۔ 32 ملازمين د وخت نه وړاندې ريټائرډ يا په جبري ريټائرمنټ لېږل شوي دي۔ د 26 ملازمينو بريت ثابت شوے۔ د 9 ملازمينو كلن انكرېمنټ ودرول شوے او د دوه ملازمينو تنزلي شوې۔ ايوان ته ووئيل شول چې د عدالت په حكم په دې موده كښې د پي آئي اے درې ملازمين بحال كړې شوي دي
