اسلام آباد 23 نومبر (اے پي پي) په قامي اسمبلۍ كښې د مخالفې ډلې مشر شهباز شريف وئيلي دي په چينائي قونصلګرۍ بريد د اندېښنې وړ دے٬ د پاكستان او چين دوستي او د سي پېك پروژه دښمن نه شي زغملې٬ د پي ټي آئي حكومت هم د دې پروژې په اړه يو موټې دے٬ دا ښه خبره ده٬ مونږ بايد نړۍ ته دا پېغام وركړو چې كه چين سره زمونږ دوستې ته چا په خيرنو سترګو وكتل نو مونږ به هغه سترګې اوباسو٬ مونږ ته دې د زندانونو دړكې رانه كړې شي٬ په تېر وخت كښې مونږ زندانونه تېر كړي٬ څوك وائې چې كرپټ خلق پرېږدئ٬ حكومت دې د قام خدمت وكړي٬ مونږ به ئې ملګرتيا وكړو۔ د جمعې په ورځ د قامي اسمبلۍ غونډه كښې د مخالفې ډلې مشر او د مسلم ليګ ﴿ن﴾ صدر ميا شهباز شريف ووئيل د چين په قونصلګرۍ بريد د افسوس وړ دے٬ چين په سختو وختونو كښې زمونږ ملګرتيا كړې۔ چين تل زمونږ د ستراتېژيكي ګټو ملاتړ كړے۔ ده ووئيل چين زمونږ ازمائيل شوې دوست هېواد دے۔ شكر دې چې د چينائي قونصلګرۍ عمله محفوظ ده۔ ده ووئيل د پاكستان او چين دوستي او د سي پېك پروژه دښمن نه شي زغملې٬ د پي ټي آئي حكومت هم د دې پروژې په اړه يو موټې دے٬ دا ښه خبره ده٬ مونږ بايد نړۍ ته دا پېغام وركړو چې كه چين سره زمونږ دوستې ته چا په خيرنو سترګو وكتل نو مونږ به هغه سترګې اوباسو۔ د مخالفې ډلې مشر ووئيل ماته وئيلي شوي چې حكومت به د نومبر په 28مه نېټه د خپلو سلو ورځو په اړه ايوان په اعتماد كښې اخلي۔ ده ووئيل وزيراعظم وائي چې يوټرن اخستل د ليډرانو صفت دے٬ِ كه داسې يوټرن اخلو نو نړۍ به مونږ سره څنګه لوظنامې وكړي۔ دوي به وئيل د پي ټي آئي حكومت راتللو سره به د ډالرو باران وشي٬ شهباز شريف ووئېل اوس هغه ډالر
