اسلام آباد ۔ 18 ستمبر (اے پی پی) وزیر اعظم عمران خان مستحق اتے غریب لوکاں کوںسستے گھرڈیونڑ حکومت دی ترجیح قرار ڈیندے آکھیے جو حکومت ہاﺅسنگ اتے زراعت دے شعباں اچ سرمایہ کاری ودھاونڑ تے خصوصی توجہ ڈیندی پئی اے،پہلے توں بنڑائے گئے گھراں دی تعمیرتہوں ضروری اے جو اے بہوں سستے اتے تیکھے بنڑن آلے ہوسن،زرعی شعبہ دی ترقی کیتے چین دی ٹیکنالوجی توں فیدہ چیسوں، فی ایکڑ پیداوارودھاونڑ نال پاکستان دی اقتصادی شرح نموودھنڑ دے نال نال ملک تون غربت مکاونڑ اچ مدد ڈیسی۔ اے گال انہاں ”ایزی فیبریکیٹڈ ہومز پرائیویٹ لمیٹڈ منصوبے“ دے سنگ بنیاد دی تقریب نال خطاب اچ آکھی جیندے اچ وفاقی کابینہ دے ارکان، پاکستان اچ چین دے سفیر یاﺅ جنگ اتے بئے اعلیٰ حکام وی موجود ہن۔انہاں آکھیا جو کراچی، اسلام آباد جھیں بئے وڈے شہراں اچ کچی آبادیاں دے لوکاں کوں سستے گھر ڈیونڑضروری ہین ایندے کیتے پری فیبریکیٹڈ ہاﺅسز بہون اہم کردار اداکریسن کیوں جو اے فلیٹ چار توں پنج مہینے اچ بنڑ سگدن،اے ہک تیز ترین عمل اے جیندے نال گھٹ ویلے اچ گھر بنڑائے ونج سگدن۔وزیراعظم آکھیے جو زراعت اتے ہاﺅسنگ دے شعبے اچ سرمایہ کاری دی اہمیت اے، امید اے جو چین دا نجی شعبہ اپنڑیاں صنعتاں اتھاں منتقل کریسی۔
