لاہور۔21 دسمبر(اے پی پی)لاہور اچ موسم دی خراب صورتحال اتے ودھ ساری کوہیڑ پاروں ہفتے کوں ”پی آئی اے“ دیاں کجھ پروازاں دا وقت بدال ڈتا گے ، کراچی توں لاہور دی پرواز پی کے 302 ہک گھنٹہ دیر نال روانہ تھئی ۔ ترجمان پی آئی اے دے مطابق کراچی توں ملتان دی پرواز پی کے 332 دی روانگی اچ ڈوگھنٹے ‘ ملتان توں کراچی ونجنڑ آلی پرواز پی کے 333 دی روانگی اچ ڈو گھنٹے ‘ کراچی توں اسلام آباد دی پرواز پی کے 368 دی روانگی اچ ترائے گھنٹے ‘ اسلام آباد توں کراچی دی پرواز پی کے 368 دی روانگی اچ ہک گھنٹے دی تاخیر ‘کراچی توں اسلام آباد دی پرواز پی کے 308 دی روانگی اچ ہک گھنٹہ ،اسلام آباد توں کراچی دی پرواز پی کے 309 دی روانگی اچ ہک گھنٹہ تاخیر متوقع ہے ۔ترجمان دے مطابق مسافراں توں درخواست کیتی گی ہئی جو او ائیر پورٹ آونڑ توں پہلے پی آئی اے کال سینٹر توں اپنی پرواز متعلق رابطہ کرن۔
