اسلام آباد۔24نومبر (اے پی پی) وزیرِ اعظم محمد شہباز شریف آکھیا جو کسان پیکیج تے عملدرآمد اچ کہیں قسم دی وسلائی برداشت کائنا کیتی ویسی۔ حکومت چھل متاثرہ علاقیاں اچ کساناں کوں ٹیوب ویل تے سبسڈی ݙیندی پی اے۔ گوادربندر گاہ کوں فعال کرݨ کیتے سارے انتظامات کیتے ویسن۔ اے ڳالھیں انہاں خمیس کوں کسان پیکیج تے عملدرآمد بارے جائزہ اجلاس دی صدارت کریندیں ہوئیں آکھی۔ اجلاس اچ وفاقی وزراء اسحاق ڈار، طارق بشیر چیمہ، انجینئر خرم دستگیر خان، مریم اورنگزیب، وزیرِ مملکت ڈاکٹر مصدق ملک، مشیرِ وزیرِ اعظم احد چیمہ اتے متعلقہ اعلی حکام وی موجود ہن۔ وزیراعظم آکھیا جو کسان پیکیج تے عملدرآمد اچ کہیں قسم دی وسلائی برداشت کائنا کیتی ویسی۔ حکومت چھل متاثرہ علاقیاں اچ کساناں کوں ٹیوب ویل تے سبسڈی ݙیندی پی اے۔ اجلاس کوں کسان پیکیج تے عملدرآمد بارے تفصیلی ݙسیا ڳیا۔ اجلاس اچ وزیرِ اعظم کوں کساناں کوں ٹیوب ویل تے ݙتی ڳی سبسڈی، چھل متاثرہ علاقیاں اچ کساناں کوں آندی فصل کیتے ݙتی ڳی سہولتاں تے مدد تے وی تفصیلی بریفنگ ݙتی ڳی۔
