کوئٹہ۔21دسمبر(اے پی پی) وفاقی وزیر دفاع خواجہ محمد آصف آکھیے ساری دنیا اچ بازار رات کوں وختی بند تھیندن ، اساکوں دنیا دے ترقی یافتہ ملکاں دا جدید طرز زندگی اپناوݨا ہوسی ،وسائل دی پہلے ہی قلت ہئی سیلاب ملک کوں مزید متاثر کیتے، اے ڳالھ انہاں وفاقی وزرا دے رلے کوئٹہ پجݨ تے میڈیا نال ڳالھ مہاڑ کریندے ہوئیں آکھی اے ۔ وفاقی وزیر دفاع خواجہ محمد آصف آکھیے حکومت دے نال قوم دی وی ذمہ واری اے جو وسائل دی بچت کرے کوئٹہ آوݨ دا مقصد صوبائی حکومت کوں توانائی دی بچت دی سٹریٹجی تے اعتماد اچ گھنݨا اے تے تعاون گھنݨا اے کیوں جو توانائی دی بچت دی ساݙے ملک کوں ٻہوں لوڑھ اے ۔ جݙاں کومت ملی تاں وسائل نہ ہووݨ وے برابر ہن ۔آئی ایم ایف دے پروگرام کوں گزریل حکومت سبوتاژ کیتے،ساݙی حکومت دی بھرپور کوشش اے جو مالی مسئلیں تے قابو پاتا ونڄے ، بعد اچ متعلقہ حکام توانائی دی بچت دے حوالے نال وفاقی کابینہ توں منظور شدہ سٹریٹیجی تے بریفنگ ݙتی،وفاقی وزیر دفاع خواجہ محمد آصف توانائی دی بچت دی سٹریٹجی دے حوالے نال بریفنگ دے موقع تے ڳالھ کریندے ہوئیں آکھیے جو آئی ایم ایف دیاں شرطاں مزید ودھ ڳئں ۔وسائل گھٹ ہن تے سیلاب توں اوکھ ودھ ڳئی اے ، توانائی دی بچت نال مالی وسائل اچ ودھارا ممکن اے توانائی اچ بجلی گیس پٹرول پاݨی سارے شامل ہن ۔وفاقی وزیر دفاع خواجہ محمد آصف آکھیے ساݙے لائف سٹائل توں توانائی دا زیادہ استعمال تھیندا پئٖ ، پٹرول اتے گیس درآمد کرݨی پوندی اے جٰں تے زرمبادلہ خرچ تھیندے،توانائی دی بچت دےحوالے نال موثر سٹریٹجی بݨائی اےسٹریٹجی تے عملدراآمد اتے مطلوبہ نتائج گھنݨ کیتے صوبائی حکومت اتے تاجراں دے تعاون دی لوڑھ اے۔
