اسلام آباد۔7جون (اے پی پی) قومی اقتصادی سروے برائے مالی سال 23 خمیس کوں جاری کیتا ویسی۔ وفاقی وزیر خزانہ تے محصولات سینیٹر محمد اسحاق ڈار خمیس کوں شام چار وڄ تے ݙاہ منٹ تے پاک سیکرٹریٹ دے پی بلاک دے آڈیٹوریم اچ اقتصادی سروے دے اجراء دی تقریب دی صدارت کریسن۔ قومی اقتصادی سروے اچ جاری مالی سال وچال اہم سماجی تے اقتصادی اہداف اتے مختلف شعبیاں اچ پیشرفت دی تفصیلات شامل ہوسن۔ اقتصادی سروے اچ زراعت، مینوفیکچرنگ ، صنعت، خدمات، توانائی،انفارمیشن ٹیکنالوجی و ٹیلی کمیونیکیشن، کیپٹیل مارکیٹس، صحت ، تعلیم ، ٹرانسپورٹ اتے مواصلات سودھے مختلف شعبیاں اچ پیشرفت اتے اقتصادی رجحانات دا احاطہ کیتا ویسی۔
