اسلام آباد۔28مئی (اے پی پی) وفاقی وزیر اطلاعات، نشریات، قومی ورثہ تے ثقافت عطاءاللہ تارڑ یوم تکبیر دی 26 ویں سالڳنڈھ تے قوم کوں مبارخ ݙیندیں ہوئیں آکھیا جو یوم تکبیر تاریخ دا سنہری اتے یادگار ݙینھ اے، ایں ݙینھ پاکستان اعلان کیتا ہئی جو اینکوں کوئی غلام نی ٻݨا سڳدا، 28 مئی دے موقع تے نو مئی آلیاں جیڑھی سازش گھڑی او کامیاب نہ تھیسی۔ اے 1971 دی تاریخ کوں مسخ کر تے ملک دی سالمیت تے حملہ کرݨ تے آ ڳئن، انہاں دی سازش کݙاہیں کامیاب نہ تھیسی۔ منگل کوں یوم تکبیر دے موقع تے آپݨے سنیھے اچ انہاں آکھیا جو 26 سال پہلے پاکستان مسلم دنیا دی پہلی جڈانجو دنیا دی ستویں ایٹمی طاقت ٻݨݨ دا اعزاز حاصل کیتا۔ ایں ݙینھ پاکستان دا دفاع ناقابل تسخیر تھی ڳئیا۔ انہاں آکھیا جو مسلم لیگ (ن) دے قائد نوازشریف دنیا تے ثابت کیتا جو اساݙا مل نہ پاتا ونڄ سڳدا۔ انہاں آکھیا جو جوہری پروگرام کوں ٻݨاوݨ، پروان چڑھاوݨ اتے ایندا عملی اظہار کرݨ آلا ہر بندہ قوم دا ہیرو اے جئیں کوں سلام پیش کریندوں۔
