اسلام آباد – 28 مارچ (اي پي پي) اطلاعات ۽ نشريات، قومي تاريخ ۽ ادبي ورثي واري مملڪتي وزير مريم اورنگزيب چيو آهي ته واجد ضياءُ جيڪو بيان رڪارڊ ڪرايو آهي ان ۾ هن واضح طور تي چيو آهي ته محمد نواز شريف جو ايون فيلڊ پراپرٽي سان ڪو به تعلق نه آهي، نه ئي ڪي اهڙا دستاويز موجود آهن جيڪي کيس جاچ دوران مليا هجن جن سان محمد نواز شريف جو ڪهڙي طرح جو ڪو به تعلق ايون فيلڊ پراپرٽي سان بڻجندو هجي. اهڙن خيالن جو اظهار هن احتساب عدالت ٻاهران ميڊيا سان ڳالهائيندي ڪيو. هن چيو ته وزيراعظم کي اقامي تي فارغ ڪيو ويو اڄ اسٽار گواه به محمد نواز شريف جي حق ۾ گواهي ڏئي رهيو آهي.
