ڪوئيٽا – 15 جولاءِ (اي پي پي) وزيراعظم جسٽس (ر) ناصرالملڪ خيبرپختونخواهه ۽ بلوچستان ۾ دهشتگردي جي تازن واقعن جي سخت مذمت ڪندي هدايت ڪئي آهي ته چونڊ اميدوارن ۽ سياسي ريلين ۽ ڪارنر ميٽنگز ۾ شرڪت ڪندڙ ماڻهن جي حفاظت کي يقيني بڻائڻ جي لاءِ سمورن سيڪيورٽي قدمن ۽ هر ممڪن حفاظتي انتظامن کي يقيني بڻايو وڃي، وزيراعظم سلامتي بابت انتظامن بابت سياسي قيادت سان مشاورت ۽ ڪنهن به اڻوڻندڙ واقعي کان بچڻ جي لاءِ انهن جو تعاون حاصل ڪرڻ جي ضرورت تي زور پڻ ڏنو. وزيراعظم جسٽس (ر) ناصرالملڪ جي صدارت ۾ گورنر هائوس ڪوئيٽا ۾ امن امان جي صورتحال جو جائزو وٺڻ لاءِ اجلاس ٿيو.
