اسلام آباد- 06 فيبروري (اي پي پي) صحت وزارت عام چونڊن 2024ع دوران اسلام آباد جي اسپتالن ۾ هاءِ الرٽ رهڻ بابت خط جاري ڪيو ويو آهي. صحت وزارت مان جاري ڪيل بيان مطابق صحت وزارت اسلام آباد جي اسپتالن کي هاءِ الرٽ رهڻ بابت خط موڪليو ويو آهي. اسلام آباد جي ڳوٺاڻي هيلٿ سينٽرز، ڪميونٽي هيلٿ سينٽر ۽ بنيادي صحت مرڪز کي الرٽ رهڻ جي هدايت ڪئي وئي آهي. اسلام آباد ڊسٽرڪٽ هيلٿ آفيس جي اندر سمورن اسپتالن کي 7 کان 9 فيبروري تائين الرٽ رهڻ جي هدايت ڪئي وئي آهي.
