اسلام آباد _ 8 فيبروري (اي پي پي) گهرو وزارت ملڪ جي مختلف حصن ۾ تازي دهشتگردي جي واقعي سبب موبائل سروس عارضي طورتي معطل ڪرڻ جو فيصلو ڪيو آهي. گهرو وزارت جي ترجمان مطابق سڄي ملڪ جي مختلف حصن ۾ دهشتگردي جي تازن واقعن جي نتيجي ۾ قيمتي زندگيون وڃائجي ويون آهن. امن کي قائم رکڻ ۽ امڪاني خطري کي منهن ڏيڻ لاءِ حفاطتي قدم کنيا ويا آهن. ان لاءِ سڄي ملڪ ۾ موبائل سروس کي عارضي طورتي معطل ڪرڻ جو فيصلو ڪيو ويو آهي.
