اسلام آباد 01 جنوري (اے پي پي)وزيراعظم عمران خان پي آئي اے د خسارې نه ويستلو او ګټه وره اداره جوړولو لپاره مربوط او جامع بزنس پلان ته زر تر زره د حتمي شكل وركولو سپارښتنې سره وئېلي دي د قامي ايئر لائن په حېث پي آئي اے د هېواد پیژندګلي ده٬د دې بحالۍ لپاره به د حكومت لخوا هر ډول ممكنه مرسته كولې شي۔ده دا خبره د نهې په ورځ د پي آئي اے روانو اصلاحاتو په اړه د لوړې پاې غونډې مشرۍ كولو په مهال وكړه ۔په غونډه كښې د خزانې وزير اسد عمر٬د هوا بازۍ وزير محمد سومرو٬ پاك فضائيه مشر ايئر چيف مارشل مجاهد انور خان٬سناتور فېصل جاوېد٬د پي آئي اے چيئرمېن ائير مارشل اسد محمود ملك او نورو اعلٰی چارواكو ګډون وكړو۔وزيراعظم ته د پي آئي اے انتظامي٬مالي او د نورو معاملو سره د ادارې بهترۍ لپاره د كېدونكو هلو ځلو په اړه بريفنګ وركړې شو۔د پي آئي اے چيئرمېن ايئر مارشل اسد محمود ملك د ادارې حالت ښه كولو٬اداره منظمولو او په پروفېشنل توګه چلولو٬د كرپشن او بدعنوانۍ ختمولو٬د مالياتي خسارې كمولو او د سروس بهترۍ لپاره د شوو اقداماتو په اړه تفصيلي بريفنګ وركړو۔وزيراعظم ته ووئيل شول د ادارې ټوله خساره 414.3 اربه روپۍ ده۔په دې خساره كښې 247 اربه روپۍ د قرض په مد كښې٬ 144.7 اربه روپۍ واجبات٬ 4 اربه روپۍ د قرض ستنولو مياشتنې قسط او 1.5 اربه روپۍ په مياشتني بنياد د سود په مد كښې وركولې شي۔وزيراعظم ته ووئيل شول په تېر وخت كښې ګټور او غېر ګټور روټس ته د پام نه كولو له امله په دې وخت كښې يوازې په 7 نړيوالو روټس پي آئي اے 500 ملينه خسارې سره مخ ده۔په هېواد كښې دننه په غېر ګټورو روټس كېدونكې خساره د دې نه بيله ده۔د دې زيان تر مخه اوسنۍ انتظاميه د نړيوال روټس بيا جاج اخلې۔ وزيراعظم ته ووئېل شول د الوتكو حالت او د زمكي آسانيو ته د پام نه كېدو له امله چرته چې بنيادي آسانې نه وې هلته قيمتي مشينري او آلات هم تباهۍ سره مخ شوي٬اوسنې انتظاميې دې څانګې ته هم په خاص توګه پام كړې۔په پي آئي اے كښې د موجوده افرادي قوت او د دوي د وظيفائي صلاحيتونو اضافې په اړه هم تفصيلي بريفنګ وركړې شو۔په اداره كښې د روانو اصلاحاتو په اړه وزيراعظم ته ووئيل شول د انتظاميې لخوا په تېرو 2 مياشتو كښې 194 ګهوسټ ايمپلائز او 73 كيبن كريو او 7 پائېلوټان د جعلي ډګرو په بنياد فارغ كړې شوي۔په غونډه كښې د ادارې بحالۍ په لړ كښې په شوو اقداماتو ٬ د نويو الوتكو ترلاسه كولو په هڅو ٬ د پائېلوټانو تربيې لپاره د سيموليټر په ترلاسه كولو ٬ د كېبن عملې په تربيه او نورو مالي چارو هم خبرې وشوې۔د ملازمينو بهترۍ لپاره د شوو اقداماتو په اړھ د بريفنګ په مهال وزيراعظم ته ووئيل شول دا خبره باوري كولې شي چې د پي آئي اے وړوكو ملازمانو لپاره په وخت تنخا او د پنشن ادائيګي باوري كولې شي۔دې سره سره د پي آئي اے په وسيلو په ناجائزه توګه د قبضه كوونكو خلقو څخه وسيلې بېرته اخستې شي چې دغسې سم استعمال ئې باوري كړې شي۔د پي آئي اے چيئرمېن ايئر مارشل اسد محمود ملك لخوا وزيراعظم ته د راتلونكو دريو مياشتو او د اوږدې مودې پروژې په اړه هم تفصيلي بريفنګ وركړی شو۔په دې موقع وزيراعظم ووئيل د قامي ايئر لائن په حېث پي آئي اے د هېواد پیژندګلي ده٬له بده مرغه قومي ايئر لائن هم پھ هغو ادارو كښې شمېرلې كېږي كومې چې په تېر وخت كښې بدانتظامۍ٬ كرپشن او مفاداتو سره مخ شوي دي او د دې ادارې بوج عام وګړي او ټېكس وركونكو ته پرله پسې برداشت كول دي۔د وزيراعظم لخوا د اوسنۍ انتظاميې په هڅو اد اطمينان څرګندونه وكړې شوه۔ده باور وركړو د ادارې بحالۍ لپاره به د حكومت لخوا هر ډول ممكنه مرسته كولې شي۔وزيراعظم د پي آئي اے چيئرمېن ته مربوط او جامع بزنس پلان ته زر تر زره د حتمي شكل وركولو هدايت وكړو چې دغسې د ادارې په خساره قابو وموندلې شي او پي آئي اے ګټه وره اداره جوړیدو سره په خپلو پښو اودرولې شي۔
