اسلام آباد 02 مئي(اے پي پي) د وزيراعظم د اطلاعات او خپرونو خاص مرستيالې ډاكټر فردوس عاشق اعوان وئېلي دي شهباز شريف د هېواد څخه تښتېدلې٬د هغه دوئم ورور نواز شريف هم د تښتېدو لار ګوري٬مسلم ليګ(ن)د وزيراعظم عمران خان په بيانيه عمل كولو سره نن خپل قيادت بدل كړی٬كرپشن او جمهوريت يوځاې نه شي چلېدې٬اولس د وزيراعظم عمران خان په متحرك او ولوله لرونكې قيادت ب په زړه پورې باور لري٬اولس عمران خان د هېواد تر ټولو مقبول لارښود ګڼي۔د دې خيالاتو څرګندونه دې د زيارت په ورځ پي ټي وي سره خبرو كښې وكړه۔دې ووئيل دا هغه بيانيه ده د كومې څرګندونه چې د پي ټي آئي قيادت بيا بيا د اولس سره كوله چې د پاكستان مسلم ليګ(ن) قيادت په قول او فعل كښې تضاد دے كوم به چې آخر تر نظره شي۔دې ووئيل لا خو به د هغوي د قول او فعل تضاد واضحه شي ځكه چې دغه خلق دلته د خپلې ناجوړتيا په راجوړولو بهر تللي خو هلته د لندن په كوڅو كښې د(ن)ليګ قيادت لوبې كوي او خوشحاله لېدې شي ٬ دې ووئېل كله چې ورته د احتساب عدالت د وړاندې كېدو اووائي نو بيا هغوي ناجوړه شي او د ناروغتيا داستانونه رامخې ته شي۔دې ووئيل دا ټول څيزونه دا څرګندوي چې مخالفه ډله څوك چې د حكومت په ضد د تحريك راپورته كولو خبرې كوي هغوي پخپله د اړي ګړي ښكار دي او په غلا راغونډ كړې دولت بچ كولو له د ناروغتيا په بهانه لټولو خپله څيره بچ كول غواړي چې پكښې يو ورور يې د هېواد څخه تښتېدلې او بل د تښتېدو لارې لټولو له هڅې كوي۔دې ووئيل دا ټولې خبرې دا واضحه كوي چې آخر دا كرپټ خلق د احتساب له يرې او د پوښتنو ځوابونو له هيلې بهانې لټوي چې ورسره مخالفه ډله د اړي ګړي او تذبذب ښكار ده او هغوي ته په خپله نه ده معلوم چې څه كول غواړي۔دې ووئيل عمران خان متحرك او ولوله لرونكې لارښود دے كوم چې تر ټولو زيات مقبول دے۔دې ووئيل قبائېلي سيمو ته چې چرته د هېواد نور قيادت تلل ښه نه ګڼل وزيراعظم عمران خان نن هلته هم ځي او هلته د ګلونو خوشبۍ خپرېږي او هلته د اولس د حقونو خبره كوي كوم چې د ده د قيادت او وژن كمال دے۔د يوې پوښتنې په ځواب دې ووئيل د شهباز شريف د پبلك اكاؤنټس كمېټۍ چيئرمېن جوړولو له مخالفې ډلې څه نه وو كړې تر دې چې د پارليمان كاروائي هم ايساره كړې شوې وه او قانون سازي يې نه كوله٬پارليماني كمېټۍ ئې نه جوړولې او دا به يې وئېل چې د شهباز شريف نه بغېر د جمهوريت وجود ته خطر پیښ دے او د شهباز شريف نه بغېر به د پارليمان استحقاق مجروح شي۔ډاكټر فردوس عاشق اعوان ووئيل هغوي به وئېل مونږ په هر حال كښې شهباز شريف اپوزېشن ليډر غواړو٬پارليماني ليډري او د بي اے سي چيئرمېنې غواړو خو نن هغه آنا له مينځه تللې او وخت ثابته كړه چې د عمران خان او پاكستان تحريك انصاف مؤقف بيخي سم ؤ او د اولس او هېواد په ګټھ ؤ ۔ډاكټر فردوس عاشق اعوان ووئيل هغه خلق دې د پاكستاني اولس د ټېكس د پيسو محافظ نه ګرځي څوك چې نېب زده دي۔دې ووئيل نن د پاكستان مسلم ليګ(ن)د وزيراعظم عمران خان بيانيه تسليم كړې او خپل قيادت يې بدل كړې۔د وزيراعظم مرستيالې ووئيل د اپوزېشن ليډر پشمول ټول كرپت عناصر بې نقابه كېږي او د هغوي اصل څيره اولس ته راوړاندې كېږي
