اسلام آباد 08 جون (اے پي پي﴾ د وزيراعظم د اطلاعاتو او خپرونو خاص مرستيالې ډاكټر فردوس عاشق اعوان په وزيرستان كښې د ترهګرې د بريد سخته غندنه كړې او د مخالفې ډلې ګوندونو نه ئې غوښتنه كړې چې هغوي دې قومي مقصد لپاره يو موټې شي او خپل اختلافات دې يو طرف ته كولو سره د وطن په خاطر د ترهګرې لعنت ختمولو لپاره په ګډه كار وكړي۔ د خالي په ورځ نجي ټي وي چېنل سره په خبرو كښې هغې ووئيل چې بايد د مخالفې ډلې ګوندونه د رياست په خاطر سياست يو طرف ته كړي ځكه چې هم دا هېواد زمونږ پېژندګلي ده۔ هغې ووئيل چې د ترهګرې دا بريد د هغو خلقو سترې غړېدو لپاره كافي دے كوم چې د پاكستان په ضد د كار كوونكو ملاتړ كوي۔ هغې د مخالفې ډلې ګوندونو ته ووئيل چې حكومت سره په دې معامله مرسته وكړي او د هغو عناصرو په ضد غږ پورته كړي كوم چې د ترهګرو ملاتړ كوي۔
