فیصل آباد ۔26فروری(اے پی پی)وفاقی وزیر داخلہ رانا ثنااللہ آکھیے جو عوام عمران خان دی جیل بھرو تحریک مسترد کر ݙتی ??ے، پکڑیڄݨ آلے ہݨ ضمانتاں منڳدے ودن، گرفت??ر تھیوݨ آلے کارکن روندے ودن جو ساکوں ورغلا تے پکڑوایا ڳئے تہوں ساکوں چھوڑیا ونڄے۔ میڈیا نال ڳالھ مہار کریندے انہاں آکھیا جو عمرانی ٹولہ 2014 توں خاص کر 8 مہینے توں ملک کیتے مسلے کھنݙیندا ودے، کوعی ݙینھ اینڄھا نئیں ڄݙاں ایں ملک دی چنڳائی، معاشی استحکام، قوم اتے وطن دے مسلیاں دے حل کیتے مل ٻیھ تے حل کڑݙھݨ اچ ہتھ ونݙایا ہووے، روز دھمکیاں، ڳالھیں ندے انہاں دا وطیرہ ٻݨ چکیے۔ پہلے اسلام آباد دا 25 مئی فارمولا فیل تھئے، ول 26 نومبر کوں انساناں دا سمندر کݙھݨ اچ نک نئین ریہا، جلسے جلوس تے احتجاج وی مک ستن، تہوں لوک آندے انتخابات اچ ایں فتنے کوں مسترد کرݙیسن۔ انہاں آکھیا جو اساں ملک کوں بحراناں توں کݙھݨ کیتے ݙینھ رات سنجیدہ کم کریندے پئے ہیں ٻھل عوام کوں وی سافا ہتھ ونݙاوݨا چاہیدے۔ ساکوں عدلیہ دا احترام اے، عدلیہ انہاں دیاں آڈیو ویڈیو دا جائزہ ڳھنے اتے حقائق ڄاݨݨ کیتے اعلیٰ سطح تحقیقات کیتاں ونڄن اتے انکوائری دے نال نال فرانزک وی کیتا ونڄے۔
