اسلام آباد۔22جون (اے پی پی):وفاقی وزیر بین الصوبائی رابطہ رانا ثناء اللہ وزیر اعظم آزاد جموں و کشمیرچوہدری انوار الحق نال ملاقات کیتی تے آندے بجٹ تے آزاد جموں و کشمیر اچ ترقیاتی کماں متعلق امور تے ڳالھ مہاڑ کیتی ۔وزارت بین الصوبائی رابطہ توں جاری بیان موجب انہاں وزیراعظم آزاد جموں و کشمیر مسلسل حمایت تے حکومت پاکستان دا شکریہ ادا کیتے تے آکھیے جو حکومت دا بنیادی مقصد گڈ گورننس اتے عوام دی فلاح و بہبود یقینی بݨاوݨ اے ۔چوہدری انوار الحق آکھی?? گزریل پنج سالاں تں بجٹ گرانٹ اچ کوئی ودھارا نی تھیا ۔سالانہ ترقیاتی منصوبیں دا ہدف پورا کرݨ سانڳے بجٹ گرانٹ اچ ودھارا کیتا ونڄے موجودہ سیاسی و سیکورٹی صورتحال کوں سامݨے رکھیندے ہوئیں آزاد جموں و کشمیر سانڳے بجٹ گرانٹ اچ ودھارا کیتا ونڄے ۔رانا ثناءاللہ آکھیے بجٹ گرانٹ اچ ودھارے دی تجویز تے مثبت غور کیتا ونڄےرانا ثناء اللہ آکھیے آزاد جموں و کشمیر دے عوام کوں ریلیف ݙیوݨ سانڳے ضروری تعاون کریسوں،وفاقی حکومت آزاد جموں و کشمیر دی غیر مشروط حمایت جاری رکھیسی۔
