اسلام آباد۔27اکتوبر(اے پی پی)وزیراعظم شہباز شریف آکھیے جو بھارت دے جابرانہ اقدامات کشمیریاں دے حق خود ارادیت دی تڑپ نئیں مکا سڳدے۔ یوم سیاہ کشمیر تے سنیہے اچ انہاں آکھیا جو 77 سال پہلے اڄ دے ݙینھ بھارت کشمیر تے قبضہ کیتا ہا، بھارتی قابض افواج کشمیریاں تے ظلم کرینداں پن، مقبوضہ کشمیر دے عوام 77 سال توں کئی اوکھ ݙتن اتے ودھ قربانیاں ݙتن۔ انہاں آکھیا جو بھارت 5 اگست 2019 توں مقبوضہ کشمیر تے اپݨی پکر تکڑی کرݨ کیتے ہک توں بعد ہک غیر قانونی اقدامات کریندا پئے، بھارت دے مذموم عزائم دا مقصد مقبوضہ کشمیر دی متنازعہ حیثیت کوں نقصان پچاوݨ اتے کشمیری عوام کوں اپݨے مستقبل دا فیصلہ کرݨ دے انہاں دے جمہوری حق توں محروم کرݨ اے۔ وزیراعظم آکھیا جو کشمیری عوام دی قربانیاں نا ونڄیسن، پاکستان کشمیری عوام دے حق خودارادیت کیتے کشمیری عوام دی اخلاقی، سیاسی و سفارتی حمایت جاری رکھسی
