دبئی۔1دسمبر(اے پی پی) نګران وزيراعظم انوار الحق كاكړ د ملګرو ملتونو 28 كنفرنس آف پارټيز (كوپ 28) لوړې كچې غونډه كښې ګډون لپاره نن (د جمعې په ورځ)شېبه ګھړۍ وروستو دوبئی اېكسپو سټي ته رسي۔ د جمعې په ورځ د نګران وزيراعظم ميډيا آفس څخه د جاري شوي بيان له مخې د متحده عرب امارات صدر شېخ محمد بن زايد النهيان اود ملګرو ملتونو عمومي سېكتر ګوترېس به دوبۍ سټي ته د رارسېدو په مهال د وزيراعظم هركلې كوي۔ وزيراعظم به نن د ورلډ کلائميټ اېکشن سمټ په لومړي سېشن كښې ګډون كوي۔ د کنفرنس په سائيډ لائنز به وزيراعظم د نېدر لېنډز او استونیا وزيراعظمانو سره ملاقاتونه كوي۔ نګران وزيراعظم به د زاید سسټینیبلیټی ایوارډ په دستوره كښې هم ګډون كوي۔ نګران خارجه وزير جلیل عباس جیلانی ، د خزانې نګران وزيره ډاكټر شمشاد اختر٬ د موسمياتي بدلون نګران وفاقي وزير احمد عرفان اسلم او د توان نګران وزير محمد علی هم کوپ 28 كښې ګډون كوي۔
