اسلام آباد – 06– اپريل (اي پي پي) صدر ڊاڪٽر عارف علوي پهرين اپريل تي جلگئي سيڪٽر ڪيچ ڪراس بارڊر حملي جي شهيدن جي وارثن سان فون تي تعزيت جو اظهار ڪيو. هن نائيڪ شير محمد، سپاهي عرفان الله ۽ لانس نائيڪ اصغر علي جي وارثن سان افسوس جو اظهار ڪيو. صدر 31 مارچ تي مير علي ۾ شهيد ٿيندڙ سپاهي ارشد الله جي پونئيرن سان پڻ فون تي افسوس جو اظهار ڪندي چيو ته پوري پاڪستاني قوم پنهنجي شهيدن تي فخر ڪري ٿي. هن شهيدن کي ملڪ جي لاءِ عظيم قرباني تي خراج عقيدت پيش ڪيو. صدر شهيدن جي وارثن سان همدردي جو اظهار ڪيو، صبر جميل جي دعا ڪئي.
