اسلام آباد ۔ 30 جنوری (اے پی پی)اولس مشر ډاكټر عارف علوي وئېلي دي د هر هېواد په پرمختګ كښې د مېډيا كردار مهم وي٬د مېډيا آزادۍ او خپلواكۍ ته حكومت پام لرنه كوي ۔اولس مشر دا خبرې د شورو په ورځ د اے پي اېن اېس او پي بي اے د نمائندګانو كمېټۍ سره د ملاقات په مهال وكړې۔په دې موقع د اطلاعات وزير چوهدري فواد حسېن او د اطلاعات سېكتر هم موجود وو۔ اولس مشر په خپلو خبرو كښې ووئيل اے پي اېن اېس او پي بي اے پبلك سروس پیغامونو له په مېډيا كښې په زړه پورې ځاې وركړې او روغتيا٬آبادۍ٬تعليم او د مېرمنو د حقونو غوندې قامي مسئلې ئې رامخې ته كړي۔اولس مشر ووئيل د سېلګرۍ ودې له به د پاكستان كلتور څرګندول وي او په دې سرخطونو به د ټاك شوز په مهال بحث كولې شي۔اولس مشر ووئيل د اولسي پېغامونو زيات تشهير كوونكو چېنلو له به خاص انعامونه وركولې شي۔اولس مشر ووئيل مېډيا د رياست د مهمې ستن حېثيت اختيار كړی او د هر هېواد په پرمختګ كښې د آزادې مېډيا مهم كردار وي۔ده ووئيل پاكستان كښې په زړه پورې موقعې شته او مېډيا له به دا نړۍ ته وړاندې كول وي
