اسلام آباد 10 مئی (اے پی پی)د بهرنيو چارو وفاقي وزير شاه محمود قرېشي وئېلي دي چې هند غواړي چې د پاكستان سره تاؤ تريخوالي برقرار وساتي٬هر څو چې پاكستان د پلوامه بريد سره هېڅ تعلق نه لري۔د پاكستاني بنديوانو خوشې كولو لپاره پاكستان د خېرسګالۍ په توګه 360 هندي بنديوانان خوشې كړې دي۔د جمعې په ورځ په قامي اسمبلۍ كښې د مچي مارو د هندي زندانونو څخه د راخوشې كولو په حقله د پام راګرځونې په نوټس ده ووئيل د خپلو مچي مارو يا په تېروتنه د پولې پورې غاړه تلونكو بنديوانو راخوشې كول زمونږ هدف دې۔خارجه دفتر په هند كښې د خپل هائي كمېشن د لارې دا معامله څو پېرې پورته كړې او مونږ په دې لړ كښې د قانوني مرستې وركولو سره تر قونصلر رسائۍ له هم هڅې كړې دي۔ده ووئيل د بنديوانو د تصديق عمل دوه اړخيزه وي دا بشري معامله ده٬زيات مچي مار د روزګار لپاره ځي۔ده ووئيل هند غواړي چې معاملات كشيده وي٬د پاكستان د پلوامه بريد سره هېڅ تعلق نشته٬د دې خبرې اعتراف نړۍ هم كړی۔ده ووئيل زمونږ مقصد تاؤ تريخوالې كمول دي٬مونږ هندي پائېلوټ د خېرسګالۍ په توګه خوشې كړې دې
