اسلام آباد 11 جون (اے پي پي) د وزیراعظم د اطلاعات او خپرونو خاص مرستيالې ډاكټر فردوس عاشق اعوان وئيلي دي د آئین د حکمرانۍ او د قانون د سرلوړۍ مزل به مخ په وړاندې روان وي٬ تېر وخت كښې واكمنو د قانون د خپلې خوښې تشريح كړې ٬ عمران خان قام سره لوظ كړې ٶ چې هېواد كښې به د قانون تشريح جلا جلا نه وي٬ هېواد كښې يو ډول قانون د وزیراعظم عمران خان وژن دے، د دوو لويو شخصیاتو د قانون تابع كېدل مثبت پېشرفت دے٬ يو ټولګې به هم د جمهوريت په خبره كولو غېر قانوني اثاثو ته تحفظ نه شي وركولې٬ د راتلونكي مالي كال 20-2019 بجټ د امير او غريب ترمېنځه توازن او د كفايت شعارۍ اقداماتو سره تړلې شوې ٬ بجټ به د اولس دوسته پاليسو عكاس وي۔ د نهې په ورځ د پارلمان په خواه كښې ميډيا سره په خبرو كښې ډاكټر فردوس عاشق اعوان ووئيل د 70 كالو راهسې طاقتورو خلقو هېواد يرغمال ساتلې ٶ او د قوانينو تشريح ئې هم پخپله خوښه كوله ٬ عمران خان قام سره لوظ كړې ٶ چې هېواد كښې به د قانون تشريح جلا جلا نه وي ٬ نن حکومت په قانون عملدارۍ سره د اولس زړونه ګټلي ٬ دې ووئېل د طاقتورو شخصیاتو قانون ته تابع كېدل او د عدليې آزادي د عمران خان خوب ٶ، دې ووئېل هېواد كښې به د قانون سرلوړي وي او مونږ هيله لرو چې هېواد كښې به د آئین د حکمرانۍ او د قانون سرلوړۍ سفر مخ په وړاندې روان وي۔ دې ووئيل كله چې ادارې قوي او د قانون حكمراني وي نو د غلطۍ به ګنجائش نه وي او دغسې به د هېواد د هرې طبقې تعلق لرونكو لپاره قانون برابر وي۔ دې ووئيل د وزیراعظم عمران خان د لوظونو تر سره كېدو نن وړومبې قدم دے ٬ په هېواد كښې بدعنوانۍ كښې د ككړو كسانو٬ ګوندونو٬ تنظيمونو او د ټولګو قانون ته تابع كېدل د حكومت وړومبۍ ترجيح ده ۔ دې ووئيل بجټ كښې آسانۍ وركولو او د ستونزو نه خلاصي لپاره اقدامات شوې ٬ ډاكټر فردوس عاشق اعوان ووئېل د راتلونكي مالي كال بجټ كښې اولس ته آسانۍ وركولو سره سره سرمايه كار ٬ صنعت كار او وسائل لرونكې طبقې په معاشي روډ مېپ كښې برخه لرونكي جوړې كړې شوې ٬ دغسې چې په تېر وخت كښې د هېواد عدم توازن كښې اوس بهتري راوستلې شي او بجټ كښې د امير او غريب ترمېنځه توازن باوري كړې شي
