اسلام آباد 31 دسمبر (اے پي پي) د پاكستان او د لويديزو اروپائي هېوادونو ترمينځه دوه اړخيزه تجارت د روان مالي كال په وړومنبو 5 مياشتو كښې زيات شوے، په دې مهال لويديز اروپائي هېوادونو ته برآمدات 3.13 فيصد دغسې درآمدات 7 فيصده زيات شوي۔ د سټيټ بينك آف پاكستان د اړخه جاري شميرې له مخې د مالي كال په وړومبنو 5 مياشتو كښې د لويديز اروپائي هېوادونو بيلجئيم،فرانس،المان،نيدرلينډ، سويټزرلينډ او د سيمې نورو هېوادونو سره د پاكستان د برآمدات حجم 1.480 اربه ډالره ريكارډ شوے كوم چې د تير كال دې مودې نه 3.13 فيصد زيات دے، د تير مالي كال د دې مودې په مهال دغې هېوادونو سره د پاكستان د برآمدات حجم 1.435 اربه ډالره ريكارډ شوے ؤ،نومبر2020 كښې دغې هېوادونو سره د پاكستان برآمدات 317.81 مليونه ډالره وؤ ، تير كال نومبركښې د لويديزو اروپائي هېوادونو سره د پاكستان د برآمدات حجم 275.17 مليونه ډالره وه۔نومبر2020 كښې دغې هېوادونو سره د درآمدات حجم 256.60 مليونه ډالره ؤ، تير كال نومبر كښې لويديزو اروپائي هېوادونو سره درآمدات 285.44 مليونه ډالره ريكارډ شوې وؤ۔
