اسلام آباد 24 جون(اے پی پی) د كورنيو چارو وفاقي وزير شېخ رشيد احمد وئېلي دي د جوهر ټاؤن چاودنې تورن به ډېر زر انصاف سره مخ كړے شي٬په هېواد كښې انتشار خپرونكي او پاكستان په فشار كښې د راوستلو هڅه كوونكي ناكامه شوي۔د زيارت په ورځ په خپل وېډيو پېغام كښې داخله وزير ووئيل د پنجاب پوليس د جوهر ټاؤن چاودنې تحقيقات كښې كاميابي ترلاسه كړې۔ده ووئيل د پنجاب پوليس د تورونو نيولو ته نزدې دي۔د پنجاب پوليس به تورن د قانون منګولو په سپارلو اولس ته ښه خبر وركړي۔داخله وزير ووئيل كوم خلق چې په هېواد كښې اړے ګړے خپروي او پاكستان په فشار كښې راوستل غواړي هغه به ناكامه وي٬پاكستان به چرې هم د چا په فشار كښې رانشي۔د افغانستان په پوله 86 فيصد او د ايران په پوله 46 فيصد فينسنګ شوے۔ده ووئيل د وزيراعظم عمران خان په حكومت كښې سياسي او معاشي استحكام راغلے۔د پاكستان اولس به د پاك پوځ سره په ګډه په هېواد كښې د امن ٬ استحكام او پرمختګ سفر روان ساتي
