جنيوا 13 جولائي (اے پي پي) پاکستان د او آئي سي نمائندګي كولو سره په لويديز هېوادونو تور لګولو سره وئيلي دي چې لوېدېز هېوادونه د مذهبي منافرت لاره نيولو لپاره يوازې د بيان بازۍ نه كار اخلي۔ په جنيوا ملګرو ملتونو لپاره د پاکستان مستقل استازي خليل هاشمي د 47 كسيزه كونسل غونډې نه پس ووئيل چې په غونډه كښې د قرارداد مخالفت د ھغه هېوادونو لخوا شوې كوم چې د قرآن پاك يا د كوم بل مذهبي كتاب د سرعام بې حرمتۍ په غندنه كولو اماده نه دي٬ امريکې، اروپائي ائتلاف او برتانيې د قرار داد مخالفت كولو سره وئيلي دي چې مونږ د بشري حقونو او د آزادۍ د اظهار پحقله د وړاندې كړې شوې قرارداد په نقطه نظر اختلاف لرو٬ د او آئي سي لخوا د غبرګون څرګندونه كولو سره د پاكستان سفير خليل هاشمي ووئيل د قرارداد مخالفت كوٶنكو كښې د سياسي، قانوني او اخلاقي جرات کمې دے او كونسل دوي څخه هم د دې رويې توقع لرله۔ ده ووئيل د قرارداد په ضد ووټ كوٶنكي هېوادونو مسلمانانو او د نورو مذهبونو خلقو ته دا پېغام وركړے دے چې د مذهبي منافرت لاره نيولو لپاره زمونږ عزم يوازې تر بيان بازۍ محدود دے٬ كومو هېوادونو چې د قرارداد په حق كښې ووټ وركړې په ھغي كښې الجيريا، ارجنټائن ، بنګله دېش، بوليويا، کېمرون، چين، آئيوري کوسټ، کيوبا، اريټيريا، ګبون، ګيمبيا، هند، قزاخستان، کرغزستان، ملاوي، ماليزيا، مالديپ، مراکش، پاکستان، قطر، سينيګال، صوماليه، سوئيلي افريقه، سوډان، يوکرين، متحده عرب امارات، ازبکستان او ويتنام شامل دي او د قرارداد په ضد ووټ كوٶنكو كښې بيلجيم، کوسټاريکا، جمهوريه چېك، فن لينډ، فرانس، المان، لتھوانيا، لکسمبرګ، مونټي نيګرو، رومانيه، برتانيه او امريکا شامل دي
