اسلام آباد 14 جولائي (اے پي پي) وزيراعظم محمد شهباز شريف وئيلي دي چې زه د فرانس صدر ايمانوئل ميکرون او اولس له په قامي ورځ د زړه د خلاصه مباركي وركوم كومه چې د فرانس د اولس د انقلابي هڅو په ياد كښې لمانځلې كېږي د كومو په نتيجه كښې چې د آزادۍ، مساوات او ورورولۍ يو نوي دور پېل شوې۔ د جمعې په ورځ خپل ټويټ كښې ده ووئيل پاكستان چې كله تېر كال تباه كن سېلاب سره مخ ٶ نو صدر مېكرون او د ھغه حكومت په سمدستي توګه مرستې له راوړاندې شوې ٶ او په جنيوا كښې د ريزيليئنټ پاکستان کنفرنس په مهال د فرانس لخوا د موسمياتي بدلون وكالت او د پاكستان ملاتړ هم د ستائنې وړ ٶ٬ پاکستان فرانس سره خپلې د دوستۍ اړيكو ته لا وده وركول غواړي۔
