اسلام آباد۔3 اګست(اے پی پی) وزیراعظم شهباز شریف د بهاره كهو بائي پاس منصوبې پرانسته وكړه۔ وزیراعظم تېر كال د اكتوبر په 14 مه نېټه د دې د بنياد تيګه كېښودلې وه۔ د 9 مياشتو په لنډه موده كښې دا منصوبه د تېرې جولائي مياشتې په 31 مه نېټه سر ته ورسېده۔ په دې منصوبه 6 اربه 25 كروړه روپۍ مصرف كړې شوې دي۔ د دې منصوبې بشپړ كېدو سره به ځايي خلقو او سېلګرو ته د سفر په زړه پورۍ آسانۍ ترلاسه شي۔ دا منصوبه په 5.2 کلومیټر سړكونو ٬ 2 پولونو او 4 انډر پاسز مشتمل ده۔ دا منصوبه د 9 مياشتو په لنډه موده كښې ترسره كړې شوه چې ورسره به سيمه كښې د سېلګرۍ څانګه وده ومومي او د فيول بچت سره سره به د ماحولياتي آلودګۍ په كمولو كښې مرسته هم ترلاسه شي۔
