لاہور۔11اگست(اے پی پی) وزیراعظم محمد شہباز شریف آکھیے قیام پاکستان سانڳے اقلیتاں چنڳاں کردار نبھائے، ، اقلیتی برادری ملکی ترقی دے ہر شعبے اچ آپݨی خدمات انجام ݙیندی پئی اے اڄ دا ݙینھ مناوݨ دا مقصد اپݨے اسلاف دے عہد تے قائم رہندے اقلیتاں دے حقوق دے تحفظ دا اعادہ کرݨا اے۔ ،اسرائیل ولوں غزہ اچ ظلم دی مثال دنیا دی تاریخ اچ نی ملدی ،فلسطین اچ اسرائیلی ظلم و بربریت تے عالمی خاموشی افسوس ناک اے،اقوام عالم غزہ اچ جنگ بندی اچ آپݨا فعال کردار نبھاوے ۔ اے ڳالھ انہاں ماڈل ٹائون لاہوراچ اقلیتاں دے قومی ݙینھ تے تقریب توں خطاب اچ آکھی اے ۔ ایں موقع تے وفاقی وزیر اطلاعات و نشریات عطاء اللہ تارڑ، وفاقی وزیر قانون اعظم نذیر تارڑ، وفاقی وزیر مذہبی امور چوہدری سالک حسین ‘ مسلم لیگ (ن) دے رہنما خواجہ سعد رفیق ، ممبر قومی اسمبلی نیلسن عظیم ، اقلیتی رہنما تے ٻئے موجود ہن ۔ وزیر اعظم آکھیے اڄ اساں سارے اتھاں کٹھے ہیسے تے اقلیتاں دا ݙینھ منیندے پیوں ‘ قیام پاکستان ویلھے اقلیتاں پاکستان سانڳے ووٹ ݙتا ‘ اساں یوم آزادی منیندے پیوں لیکن بدقسمتی نال جیڑھے ظلم غزہ اچ ڈھائے ویندے پئن ایں توں ساݙیاں خوشیاں ونڄ ڳئن ‘غزہ اچ مظلوم مسلماناں نال اسرائیلی فوج گزریل ݙینھ فجر ویلھے بمباری کر تے تریمتاں تے ٻالاں سودھے مظلوم مسلماناں کوں شہید کرݙتا’ ایں ظلم تے قوام عالم دی خاموشی افسوس ناک اے ‘ ایں حوالے نال دنیا اچ امن دے قیام سانڳے بݨائے ڳئے عالمی اداریں دی قرارداداں دی رتی برابر وی حیثیت کائنی رہی ، غزہ اچ جنگ بندی اتے دنیا اچ امن دے قیام سانڳے اسرائیل کوں جارحیت توں روکݨ سانڳے آپݨا کردار نبھاوݨا چاہیدے ۔وزیراعظم محمد شہباز شریف ملکی ترقی اچ اقلیتاں دے کردار دا ذکر کریندے آکھیے ملک خدادادپاکستان عظیم قربانیاں دے بعد وجود اچ آئے ،قیام پاکستان اتے ملکی ترقی اچ اقلیتاں دے مثبت کردار کوں بھلایا نی ونڄ سڳدا ،عیسائی،ہندو،سکھ ،پارسی تے ٻئی اقلیتاں نال تعلق رکھݨ آلے لوکاں مختلف شعبہ جات اچ آپݨی خدمات سر انجام ݙیندے ملکی تعمیر وترقی اچ آپݨا چنڳاں حصہ پاتے ، اقلیتاں ہمیشہ ملک دی ترقی تے خوشحالی سانڳے اڳوں ودھ تے آپݨا فرض نبھائے بھاویں او مسیحی برادری ہووے ،ہندو برادری ،سکھ برادری ہووے یا پارسی برادری انھاں ساریں ملک دے اندر پرامن شہری بݨ تے حقیقی معنے اچ پاکستانی ہووݨ دا ثبوت ݙتے، مسیحی برادری دے مشنری سکولز جتھاں 77سالاں اچ ہزاراں، لکھاں ٻال تے ٻالڑیاں اعلی تعلیم ڳھدی اے مسیحی برادر?? دی پاکستان سانڳے امن ویلھے وݙی شمولیت اے ،جنگ دے زمانے اچ کون نی ڄاݨدا جو سیسل چوہدر?? دی کی?? خدمات ہن، اقلیتی برادری نال تعلق رکھݨ آلے ججز انصاف ݙیوݨ سانڳے آپݨا چنڳاں کردار نبھائے ، سکھ برادری پاکستان دی استحکام اتے ترقی سانڳے ہمیشہ بھرپور خدمات سر انجام ݙتن ،پارسی برادری تجارت اتے کاروبار اچ آپݨا ناں کمائے ۔ انھاں آکھیے گنگا رام ہسپتال توں اڄ وی لوک فیدہ چیندے پئن تے جݙاں تعیں اے ہسپتال قائم رہسی ݙک??ی انسانیت دے علاج سانڳے لوک ہمیشہ اینکوں یاد رکھیسن ۔ ایویں ڈاکٹر رتھ فائو کراچی اچ کوڑھ دے مرض دے مریضاں دی امید دی کرن بݨ تے آپݨی ساری زندگی انھاں مریضاں سانڳے وقف کرݙتی جیڑھا ݙوجھیں سانڳے مشعل راہ اے ‘ملک توں دہشت گ??دی مکاوݨ تے قیام امن سانڳے مختلف سیکورٹی اداریں اچ اقلیتاں توں تعلق رکھݨ آلے ایں دھرتی تے پتراں تے دھیریں آپݨی خدمات انجام ݙیندے پئن ، پاکستان اچ اقلیتاں کوں مکمل آزادی اے ‘ اڄ دے ݙینھ قائد اعظم محمد علی جناح تاریخی بیان ݙتا ہئی جو پاکستان اچ وسݨ آلیاں ساریاں برادریاں کوں آئین و قانون موجب مساوی حقوق ملسن تے مکمل مذہبی آزادی حاصل ہو سی،جے کوئی مسلمان اے تاں اینکوں مسیت اچ نماز پڑھݨ دی پوری آزادی ہوسی تے جے اقلیتاں ہن تاں او مندر ونڄن کلیسا اچ ونڄن گوردواریں اچ ونڄن انہاں کوں پوری آزادی ہوسی ایں تاریخی پس منظر دی روشنی اچ اڄ دے ݙینھ اتھاں کٹھے تھیوݨ دا مقصد اساکوں آپݨے اسلاف دے عہد تے قائم رہندے اقلیتی برادری دے ہر ممکن تحفظ دا اعادہ کرݨا اے۔ وزیراعظم محمد شہباز شریف آکھیے ماضی اچ اقلیتاں نال کجھ بے خراش واقعات ت??ئن جیں توں انہاں کوں تکلیف پڄی تاں جو انہاں واقعات دے بعد اوں زمانے دیاں حکومتاں چنڳاں کردار ادا کیتا جو ول ویہو سویں واقعات نہ تھیوں ۔اتھاں اقلیتی برادری دے نمائندیں اپݨی پاکستان نال لازوال اتے انمٹ کمٹمنٹ دا اظہار کیتے جیں کوں پاکستانی قوم تحسین دی نظر نال ݙیکھدی اے جنھاں قانون ہتھ اچ ڳھدا انہاں کوں قانون دی کچاری اچ گھن آئے میں سمجھداں اقلیتی برادریاں پاکستان اچ رہندن انھاں دے تحفظ ، سکیورٹی سانڳے وفاقی حکومت اتے صوبائی حکومتاں آپݨے طور تے جتنے وی اقدامات چیسن او گھٹ ہوسی اے پرے دی ڳالھ کائنی اتھاں دہشتگ??دی دے واقعات ت??ئن ایں اچ ساݙی اقلیتاں دے افسراں تے سپاہیاں اپݨی جاناں دا نذرانہ پیش کیتا ،میں خود جی ایچ کیوڳیا تے انہاں دے اعزاز اچ تقریب اچ شریک تھیا، ڈاکٹر رتھ فائو جیہی تریمت ساری عمر پاکستان اچ گزاری کوڑھ دے مرض سانڳے اپݨے آپ کوں وقف کرݙتا، پاکستان دے ہسپتالاں اچ جتھاں مسلمان ڈاکٹرز ، نرساں ݙینھ رات کم کریندیاں پئن اتھاں ساݙی اقلیتی برادر?? دیاں نرساں تے ڈاکٹروی اپݨی خدمات ݙک??ی انسانیت سانڳے سر انجام ݙتن ،نواز شریف دی قیادت اچ مسلم لیگ(ن) دی موجودہ حکومت اقلیتاں کوں بنیادی حقوق ݙیوݨ سانڳے ہر مکن قدم چاتن ، اقلیتاں دی حفاظت سانڳے انہاں کوں معاشرے اچ جائز مقام ݙیواوݨ دی غرض نال پوری طرح کٹھے ہیسے تے ایہا وجہ اے جو پاکستان نہ صرف ترقی کرسڳدے بلکہ خوشحال تھی سڳدے تے دنیا اچ آپݨا جائز مقام گھن سڳدے
