اسلام آباد – 12 – آڪٽوبر (اي پي پي) نگران وزيراعظم انوارالحق ڪاڪڙ چيو آهي ته او آءِ سي جي ڪشمير بابت خصوصي ايلچي يوسف ايم الدوبي ۽ سندس وفد جي پاڪستان ۾ آجيان هڪ اعزاز آهي. پنهنجي ٽوئيٽ ۾ هن چيو ته ڪشمير جي مسئلي تي او آءِ سي جي تسلسل سان حمايت تي ان جا ٿورائتا آهيون. اسلامو فوبيا ۾ عالمي سطح تي اضافي جي خلاف متحد ٿي ڪوششن جي ضرورت تي زور ڏيندي هن چيو ته اسان ڄمون ۽ ڪشمير جي تڪرار جي پرامن حل جي لاءِ پرعزم آهيون.
