اسلام آباد – 07 – مارچ (اي پي پي) وزيراعظم محمد شهباز شريف قطر جي امير شيخ تميم بن حمد الثاني پاران وزارت عظميٰ جو عهدو سنڀالڻ تي مبارڪباد جي پيغام تي سندس ٿورا مڃيا آهن. سماجي رابطن جي ويب سائيٽ تي پنهنجي ٽوئيٽ ۾ هن چيو ته هو قطر جي نائب امير ۽ وزيراعظم پاران خيرسگالي جي پيغام تي سندس ٿورائتو آهي. پاڪستان جا قطر سان گهرا ۽ پراڻا خوشگوار لاڳاپا آهن جن کي هو وڌيڪ مستحڪم بڻائڻ جو خواهشمند آهي.
