لاهور – 11 – اپريل (اي پي پي) وزيراعظم محمد شهباز شريف لسٻيلا ويجهو زائرين جي گاڏي کي پيش ايندڙ ٽريفڪ حادثي ۾ قيمتي جانين جي زيان تي گهري ڏک ۽ افسوس جو اظهار ڪيو آهي. وزيراعظم آفيس جي ميڊيا ونگ پاران جاري بيان موجب وزيراعظم ٽريفڪ حادثي ۾ فوت ٿيندڙن جي درجن جي بلندي لاءِ دعا ڪئي. وزيراعظم حادثي ۾ فوت ٿيندڙن جي گهرڀاتين سان تعزيت جو اظهار ۽ زخمين جي جلد صحتيابي لاءِ دعا ڪئي. وزيراعظم زخمين کي هر ممڪن طبي امداد فراهم ڪرڻ جي پڻ هدايت ڪئي.
